Die vergadering in die Frankfort-stadsaal is op Woensdag 24 April op baie kort kennisgewing gehou. Dit was omdat die FDDM-spreker en burgemeester van die haglike situasie by Mafube Plaaslike Munisipaliteit te hore gekom het en MLM wou bystaan met 'n gesamentlike roadshow om terugvoer van die Mafube-gemeenskap te kry oor hoe FDDM die beste kan help.
FDDM is verteenwoordig deur 'n groot kontingent amptenare en raadslede onder leiding van burgemeester Dennis Khasudi (DA), bygestaan deur speaker Sidney Pittaway (DA). Die burgemeester het die 2024/5-begroting vir FDDM voorgelê, wat 'n aantal voordele vir MLM insluit, soos:
• Tegniese finansiële en administratiewe ondersteuning;
• Infrastruktuurprojekte, bv. herstelwerk aan paaie, water en sanitasie;
• Inligtingstegnologie;
• Skakels na potensiële bronne van befondsing;
• Plaaslike ekonomiese ontwikkeling en groei;
• Gemeenskaps- en maatskaplike programme; en
• Bestuur vir gesondheidsdienste.
Veral opwindend is dat FDDM R100K vir Toerisme in Mafube sal toestaan.
Die burgemeester het toe kommentaar en vrae van die vergadering uitgenooi. Hier het ons die geleentheid gebruik om FDDM te vra om MLM by te staan met watervoorsiening en afvalwaterbehandeling, ten einde kwaliteit water aan die gemeenskap te verseker en rioolbesoedeling te voorkom. Ons het vooraf besluit om te fokus op vaste afval – stortingsterreine en herwinning wat moet help om toerisme te bevorder en om meer geleenthede deur herwinning te skep. Dit is entoesiasties deur die FDDM-span aanvaar en ons het 'n verbintenis van hulle gekry dat hierdie kwessie geprioritiseer sal word.
Ander kommentaar het geleenthede vir jongmense behels en werkskepping deur verwaarloosde munisipale bates te benut. 'n Inwoner van Tweeling het gevra vir OTM soos die van Cornelia, waar geld gedeponeer kan word.
In geheel was die vergadering baie positief met definitiewe verpligtinge van FDDM om aandag aan Mafube te gee – die stortingsterrein moet die nr.1 prioriteit wees wat as voorbeeld sal dien van hoe distriksmunisipaliteite plaaslike munisipaliteite kan bystaan.
Ons wil positief bly, maar was nie verras deur die afwesigheid van Mafube wie se burgemeester en speaker vermis was en die MM Lepheana feitlik uit sy kantoor gesleep moes word deur die FDDM burgemeester nie!
Fotos: Fezile Dabi
コメント